Ku soodhowow Dalladda Waxbarashada Ilays

Jiritaanka Dalladda Waxbarashada Ilays waxa uu u adeegaa dhammaan arrimaha waxbarashada ee Soomaalida gaar ahaan aagga SSC Khaatumo ee Sool, Sanaag iyo Cayn waxa ayna ujeeddadiisu tahay in la daryeelo, oo kor loo qaado, oo la dayactiro, oo la tayeeyo dhammaan arrimaha ku taxaluqa baraha, dugsiga, iyo ardayga. Isla markaana la soo diyaariyo dhammaan agabka waxbarashada iyo manhijka ay u baahan yihiin. Guud ahaan waxa ay Dalladdu ku hawlan tahay adeegga waxbarashada, horumarka arrimaha bulshada, iyo arrimaha noolaynta iyo ilaalinta deegaanka.

Hadda Diiwaangal

Hannaanka waxbarashada Ilays waxa uu mudnaanta iyo hortebintaba siinayaa

• Waxbarashada Asaasiga (Primary Education)
• Waxbarashada Dugsiga Sare (Secondary Education)
• Farsamada Gacanta (Vocational Training)
• Waxbarashada Dadka Waaweyn (Adult Education)
• Waxbarashada Jaamacadeed (Higher Education)

Himilooyinka Dalladda Waxbarashada Ilays waxaa ka mid ah in aan

• Kor u qaadno waxbarashada oo tayeyno annaga oo dadka wax ku barayna qalab iyo hab cusub. Isla markaana dadweynaha tusinayna sida waxbarashadu kor ugu qaado dhaqaalaha bulshada.
• Horumarino hawlgudashada jiritaanada waxbarashada si ay u xaqiijiyaan in ay himiladoodii gaadheen iyo in ay qofkii la rabay bulshada u soo saareen, isla markaana himiladoodu u noqon lahayd mid lagu gaadho liibaan dhow iyo mid fog.
• Hannaanka waxbarashada Ilays waayo waxa ay tayo la’aanta waxbarashadu sababtaa hoosudhac ku yimaado garaadka aadamaha iyo raasamaalka aqoonta.
• Jiritaanada waxbarashada ku jihayno oo ku dhaqangelino hannaan waxbarasho oo cusub, isla markaana saamayn ku yeelano siyaasada waxbarashada, tabaabulshayaasha waxbarashada iyo arrimaha horumarinta bulshada.
• Sida ugu fiican u adeegsano qalabka iyo kheyraadka kale ee waxbarashada si aannu wax u barno bulshadeena ka qaday nasiibka aqoonta.
• Dib u dhisno oo soo noolayno waxbarashada degmooyinka, tuulooyinka, iyo beelaha ka durugsan magaalooyinka waaweyn. Isla markaana ka shaqayno jiritaanka, isku filaanshaha, iyo horumarinta waxbarashada beelaha.
• Midayno aragtida waxbarashada ee dugsiyada iyo jaamacadaha si loo helo manhaj isku mid ah, lebis isku mid ah, waxbarasho isku xilli ah, fasax isku mid ah, iyo fikir isku mid ah.

Kalbarashooyinkii ugu dambeeyey

Dalladda Waxbarashada Ilays waxa ay ardayda bartaa hal run ah oo haddii la fahmo xal u ah dhibaatooyinka deegaankeena, dhibaatooyinka bulshadeena haysta, iyo dhibaatooyinka carro-edeg oo idil. Runtaasi waxa ay ku urursan tahay hal eray oo keliya. Eraygaasi waa “Waxbarasho”.
Haddii aad doonayso in aad iska diiwaangeliso kalbarashooyinka (courses) Dalladda Waxbarashada Ilays, waxa aad gujisaa barta KALBARASHO ee mareegta dalladda si aad taxanaha kalbarashooyinka uga doorato kuwa aad xiisaynayso. Kolka ku xigta waxa aad noo soo gudbisaa magaca kalbarashada si aannu kuugu sharraxno waxyaalaha ay ka kooban tahay iyo qiimaheeda.

Maqaalladii ugu dambeeyey

Carro-edeg waxaa lagu nool yahay war iyo wax la cuno. Warku waa uu ka muhiimsan yahay cuntada. Warku waa labo jaad oo kala ah: war murti ku dheehan tahay iyo war hadur ah oo aan dhur iyo dheeftoona lahayn. Warka murtidu ku dheehan tahay waxaa laga faa’iidaa waxyaallo badan oo ay ka mid yihiin: Xirfadahaaga oo uu wax ku kordhiyo, dhibaato ku haysatey oo aad ku furdaamiso, wax kaa khaldanaa oo uu kuu saxo, iyo in uu kugu abuuro in aad fekerto oo wax maamiso.